तिमीले सोचेको म

तिमीले सोचेको म सधैँ त्यो कहाँ हो र !

म त्यो तिमीले नसोचेको पनि कहाँ हो र !

अनि जे सोचिन्न त्यो पनि कहाँ हो र 

म त्यो सोच्ने र नसोच्ने माझ पनि कहाँ छु र 

यसैले म त्यो अवधारणा होइन नि ?

जो सधैँ पल पल बग्ने र बगेर आउने छाल हो र 

त्यो सबैबाट उन्मुक्त छु

न पत्याए हेर त ?

छोइ हेर त ?

के मेरो आकार पायौ र

के मलाईं चिन्न सक्यौ र

के तिमीले तिमीलाई चिनेका छौ ?

के तिमी तिमी भित्रको म'लाई चिनेका छौ ? 

बोध गर सक्छौ भने ?

म'मा आऊ ?

प्रवेश गर 

खुल्ला छ द्वार 

हराउ अनि पस गहिरो अझ गहिरो 

त्यहाँ म छु

अरू को नै छ र ?

के म नै छु होइन र त्यहाँ ?